Miljørettleiar

Solvorn oppvekstsenter ligg i bygda Solvorn, ei idyllisk perle ved Lustrafjorden. Oppvekstsenteret har barnehage, barneskule 1.-7. trinn og SFO i same bygg. Skuleåret 22/23 har skulen 20 elevar.

Stillingsinformasjon

Det vert ledig 71,2 % fast stilling som miljørettleiar frå 01.08.22. 

Arbeidsoppgåver:

• snakka med, støtta og motivera elevar
• planlegga og organisera aktivitetar
• leggja tilrette for eit godt og inkluderande klasse- og skulemiljø
• førebyggja konfliktar
• delta i planlegging og oppfølging saman med andre tilsette
• samarbeida med heimane og andre instansar

Kvalifikasjonar: 

• Det er ynskjeleg med 3-årig relevant høgskuleutdanning. Søkjarar med anna relevant bakgrunn og kompetanse kan også bli vurdert. 
• God relasjonskompetanse og gode samarbeidsevner
• Det er ønskjeleg med praksis frå skule/arbeid med elevar

Personlege eigenskapar som vert vektlagt:

• Kunna byggja gode relasjonar og ha eit positivt elevsyn
• Sjå moglegheiter og kunna motivera til utvikling/trivsel
• Ha godt humør, vera initiativrik og engasjert i arbeidet

Menn vert oppmoda om å søka.

Særskild for stillinga

Den tilsette må leggje fram politiattest av nyare dato jf. opplæringslova § 10-9.

Kommunen kan tilby

• Arbeid i ein veldriven kommune med gode og sikre rammevilkår
• Eit godt og stabilt arbeidsmiljø med høg fagkompetanse
• Gode moglegheiter for fagleg utvikling
• Kommunale tilsetjingsvilkår med gode pensjons- og forsikringsordningar
• Løn etter gjeldande tariff og avtaleverk

Andre opplysningar 

• Administrasjonsmålet i kommunen er nynorsk.
• Alle faste nytilsetjingar vert gjort med ei prøvetid på 6 månader.
• Vi gjer merksam på at i følgje offentleglova § 25, 2. ledd kan opplysningar om søkjaren bli offentleggjort sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort.
• Søknadar må leverast innan fristen og må sendast inn via rekrutteringssystemet vårt EasyCruit.