Barnehagelærar

Hafslo barnehage har 60 plassar fordelt på 3 avdelingar.
Det er ca. 15 tilsette i barnehagen.

Vi legg stor vekt på overgangar i barna sine liv. Det å byrje i barnehagen eller på ny avdeling, den gode trygge starten. Vi har eit tett samarbeid med skulen og den andre barnehagen i bygda med fokus på overgang til skulen. Barnehagen har tradisjonar som har vore med oss i mange år, men er også opptekne av å fornye oss i forhold til endringar i samfunnet. Vi er opptekne av god tilrettelegging for alle barn. Vårt satsingsområde er ASK (alternativ supplerande kommunikasjon).

Stillingsinformasjon

• Inntil 100 % fast stilling som barnehagelærar frå 01.08.2026
• 60 % vikariat i tida 01.08.2026-01.04.2027

 Kvalifikasjonskrav

• Utdanning som barnehagelærar

Personlege eigenskapar me vil leggje vekt på:

• gode samarbeidsevner
• ein vaksen som er til stades for barna og er oppteken av deira behov
• tydeleg vaksenperson som både er omsorgsfull og kan setje grenser
• vere fleksibel og skape gode relasjonar til både barn, foreldre og medarbeidarar
• oppteken av å lære nytt og bidra med eigen kunnskap inn i barnehagen
• likar å leike 

Då menn er underrepresentert hjå oss, vert menn oppfordra til å søkja.

Me kan tilby

• Eit godt arbeidsmiljø med dyktige og engasjerte medarbeidarar
• Kommunale tilsetjingsvilkår med gode pensjons- og forsikringsordningar.
• Løn etter gjeldande tariff og avtaleverk.

Andre opplysningar 

• Den som vert tilsett må legga fram politiattest av nyare dato
• Aktuelle søkjarar kan bli kalla inn til intervjuAdministrasjonsmålet i kommunen er nynorsk
• Alle faste nytilsetjingar vert gjort med ei prøvetid på 6 månader
• Me gjer merksam på at i følgje offentleglova § 25, 2. ledd kan opplysningar om søkjaren bli offentleggjort sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort
• Søknadar må leverast innan fristen og må sendast inn via rekrutteringssystemet vårt EasyCruit