Fagarbeidar/assistent

Veitastrond oppvekstsenter, avdeling barnehage, har éi avdeling med 24 plassar og 5 tilsette. Barna er i aldersgruppa 1-6 år, som gjev ein variert arbeidskvardag. Barnehagen har eit godt og nært samarbeid med skule og SFO. Me likar å leika og vera ute, og den frie leiken er eit fokusområde.  

På oppvekstsenteret er det også 4 lærarar og 1 SFO-tilsett. Me har fått gode tilbakemeldingar på arbeidsmiljøet, men og barnehage- og skulemiljøet. Dei som har vore innom har trivest, og har nemnt blant anna god atmosfære, god inkludering og omsorg. 

Barnehagen ligg i enden av Veitastrondsvatnet, med gode moglegheiter for utandørsaktivitetar, og er omkransa av eit variert natur- og kulturlandskap. 

Stillingsinformasjon:

• 100% mellombels fagarbeidar/assistent i perioden 01.08.25-31.07.26

 Kvalifikasjonar:

• Utdanning som fagarbeidar i barne- og ungdomsfaget og/eller anna relevant utdanning eller erfaring
• Personar utan relevant utdanning kan også søka, då personlege eigenskapar blir vektlagt

Me legg vekt på:

• gode kommunikasjonsevner
• gode samarbeidsevner og evne til å arbeide sjølvstendig
• å vera til stades for barna og er oppteken av deira behov og barnas beste
• å vera ein tydeleg vaksenperson som både er omsorgsfull og kan skapa gode og trygge rammer for barn
• å vera fleksibel og skapa gode relasjonar til barn, foreldre og medarbeidarar

Me kan tilby

• Arbeid i ein veldriven kommune med gode og sikre rammevilkår
• Eit godt og stabilt arbeidsmiljø med høg fagkompetanse
• Gode moglegheiter for fagleg utvikling
• Kommunale tilsetjingsvilkår med gode pensjons- og forsikringsordningar
• Løn etter gjeldande tariff og avtaleverk

Andre opplysningar 

• Administrasjonsmålet i kommunen er nynorsk
• Alle faste nytilsetjingar vert gjort med ei prøvetid på 6 månader
• Me gjer merksam på at i følgje offentleglova § 25, 2. ledd kan opplysningar om søkjaren bli offentleggjort sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort
• Søknadar må leverast innan fristen og må sendast inn via rekrutteringssystemet vårt EasyCruit