Kommune- /samfunnsplanleggar

Luster kommune søker etter ny planleggar med vekt på kommune- og samfunnsplanlegging. Luster er ei av Sør-Noregs største kommunar i areal, og omfattar alt frå brear, nasjonalparkar og verdsarvområde til kompetansearbeidsplassar av internasjonale dimensjonar. Noregs lengste fjord har sitt endepunkt i kommunen, samt at me har Noregs tredje høgste fjell. Dette gjev ein topografi som er både storslagen, dramatisk og utfordrande på ein gong. Me søkjer difor etter ein ny planleggjar som kan bidra til å styrkje kommunen både i eit utviklings- og miljøperspektiv.    

Stillingsinformasjon

Det er ledig ein 100 % fast stilling som kommune-/ samfunnsplanleggar i Luster kommune frå 01.05.2025.
Arbeidsstad er på Rådhuset i Gaupne.
Stillinga ligg under eining Plan, som i dag har 8 stillingar, der 3 stillingar er knytt direkte til planlegging. 

Arbeidsoppgåver

• Kommune- /amfunnsplanleggaren vil som utgangspunkt arbeide med overordna planlegging. Hovudarbeidsoppgåvene i stillinga vil vere kommuneplanens samfunnsdel og arealdel, eventuelle kommunedelplanar og enkelte andre temaplanar og oppgåver av overordna karakter, mellom anna miljø- og klimaspørsmål. I tillegg vil stillinga kunne bidra i andre planoppgåver, samt vere Luster sin representant inn i kommunesamarbeidet innan plan.
• Har den som vert tilsett kompetanse innan andre fagområde underlagt eining Plan, kan også stillinga få tillagt slike oppgåver. 
• Luster kommune bruker Gisline og Framsikt som digitale verktøy.

Kvalifikasjonar

• Relevant utdanning på mastergradnivå, for eksempel samfunnsplanlegging, samfunnsgeografi , fysisk planlegging, eller liknande. Særlig relevant erfaring kan kompensere for kravet om mastergrad.
• Engasjement for god samfunnsutvikling.
• God rolleforståing, inkludert god forståing for relasjonane mellom administrasjon og politisk nivå.
• God skriftleg og munnleg framstillingsevne

Det er ønskjeleg at søkjar har

• Kunnskap om offentleg forvaltning.
• Kunnskap om ROS-arbeid og klimaspørsmål
• Erfaring frå arbeid med overordna planlegging er ønskjeleg.
• Serviceinnstilt haldning og gode eigenskapar til samarbeid og kommunikasjon internt og eksternt
• Kompetanse innan GIS/ digital planframstilling

Me legg vekt på

• Gode kommunikasjonsevner
• Gode samarbeidsevner og evner til å arbeide sjølvstendig
•  Personlege eigenskapar vil bli vektlagt, og det vil bli teke omsyn til korleis vår nye medarbeidar kan komplettere dei andre medarbeidarane i verksemda.

Me kan tilby

• Godt tverrfagleg arbeidsmiljø med engasjerte medarbeidarar.
• Arbeid i ein veldriven kommune med gode og sikre rammevilkår.
• Eit godt og stabilt arbeidsmiljø med høg fagkompetanse.
• Gode moglegheiter for fagleg utvikling.
• Kommunale tilsetjingsvilkår med gode pensjons- og forsikringsordningar.
• Løn etter gjeldande tariff og avtaleverk. 

   

Andre opplysningar 

• Administrasjonsmålet i kommunen er nynorsk.
• Alle faste nytilsetjingar vert gjort med ei prøvetid på 6 månader.
• Me gjer merksam på at i følgje offentleglova § 25, 2. ledd kan opplysningar om søkjaren bli offentleggjort sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort.
• Søknadar må leverast innan fristen og må sendast inn via rekrutteringssystemet vårt EasyCruit.